ពេលដែលអ្នកដើរកាត់កន្លែងវិចិត្រសិល្បៈ អ្នកនឹងឃើញសម្រស់នៃសិល្បៈដែលតាំងនៅលើជញ្ជាំង។ វាប្រាប់អ្នកនូវអត្ថន័យរបស់វាហើយពណ៌វាដែលធ្វើឱ្យអ្នក មនោសញ្ចេតនា។ ស៊ុមដែលនៅព័ទ្ធជុំវិញរូបនោះ ជួយបង្កើននិងកំណត់ន័យសម្រស់របស់វា។ ស៊ុមក៏អាចជួយផ្លាស់ប្តូរទំហំនៃរូបភាពដែរ។
វាមិនខុសគ្នាពីមុខរបស់អ្នកនោះទេ។ ទម្រង់និងស្នាមជ្រួញ (line) លើមុខបង្ហាញសម្រស់និងបង្កើតអារម្មណ៍។ សម្បុរនិងភាពមិនស្អាតនៃស្បែករបស់អ្នកនឹងបំផ្លាញសម្រស់របស់អ្នក ទាំងស្រុង។ ដូចគ្នាទៅនឹងរូបភាពដែលត្រូវការភាពលម្អរពីស៊ុមនោះដែរ មុខរបស់អ្នកត្រូវការការលម្អរដោយសក់។
ការថែរក្សាសក់និងការផាត់មុខមិនអាចជួយអ្នកមិនឱ្យចាស់នោះទេ ហើយនឹងមិនមានឥទ្ធិពលលើមុខរបស់អ្នករហូតដែរ។ ប៉ុន្តែ វាអាចជួយឱ្យអ្នកមានទ្រង់ទ្រាយមុខល្អបំផុត ក្នុងពេលដែលលុបបំបាត់ភាពមិនស្អាតដែលប៉ះពាល់ដល់សម្រស់របស់អ្នក ។
សិល្បៈនៃការផាត់មុខ
ការផាត់មុខអាចប្រើសម្រាប់បិទបាំងស្លាកស្នាមជាំ និងការខូចទ្រង់ទ្រាយនៃមុខ, បង្កើនសម្រស់ផ្ទៃមុខ ឬជាការបង្ហាញអារម្មណ៍ (ភាពឆើតឆាយ, ភាពទាកភាពប្រាកដប្រជា)។ បើមិននិយាយពី គោលបំណងនៃការផាត់មុខទេ ការផាត់មុខដែលត្រឹមត្រូវគឺចាប់ផ្តើមពីការកែតម្រូវពណ៌ស្បែក។ មុខរបស់យើងភាគច្រើនមានស្នាម និងភាពមិនប្រក្រតីនៃសារជាតិពណ៌ (pigmentation irregularities) ដែលអាចបិតបាំងដើម្បីបង្កើនសម្រស់មុខ។ ការចាប់ផ្តើម ឬអាចហៅថា ការលាបទ្រនាប់ មានប្រសិទ្ធភាពធ្វើឱ្យស្បែកមានពណ៌ស្មើគ្នា។ ចំនុចសំខាន់ក្នុងការជ្រើសរើសម្សៅទ្រាប់ គឺការជ្រើសរើសកម្រិតពណ៌ដែលសាកសមនឹងស្បែករបស់អ្នក។ ផលិតផលម្សៅទ្រាប់ អាចមានកម្រិតចាប់ពីពណ៌ស្រាលរហូតដល់ពណ៌ក្រម៉ៅខ្លាំង។
កម្រិតនៃការបិទបាំង ប្រភេទផលិតផល
ពណ៌ស្រាល ផលិតផលសំណើមមានពណ៌ព្រឿងៗ
ពណ៌មធ្យម លេ, ម្សៅ, ផលិតផលម្សៅទ្រាប់ដែលរាវ
ពណ៌ធ្ងន់/ក្រម៉ៅ ផលិតផលមានជាតិស្អិតខ្លាំង, dermablend- typed products
អ្នកអាចទទួលបានលទ្ធផលផ្សេងៗគ្នាដោយការលាយបញ្ចូលកម្រិតនៃផលិតផល ផ្សេងគ្នា។ វិធីសាស្ត្រសំខាន់បំផុតគឺ ការលាយផលិតផលម្សៅទ្រាប់ឱ្យបានល្អមានសារៈសំខាន់ក្នុងការជួយបិត បាំងស្នាមជ្រួញ។ បើសិនអ្នកនៅមិនទាន់ប្រាកដ អ្នកអាចប្រើផលិតផលស្រាលៗដើម្បីទទួលបាននូវភាពទាក់ទាញជាលក្ខណៈ ធម្មជាតិ។ អ្នកជំនាញខាងផ្នែកតុបតែងមុខដ៏ល្បីល្បាញឈ្មោះ Susan Ginsburg បានណែនាំថា “បើសិនអ្នកមានអាយុ ៣៥ ឆ្នាំ, អ្នកគួរប្រើ concealer ដែលមានពណ៌ស្រាលនិងជាផលិត-ផលម្សៅទ្រាប់រាវ, តែបើអ្នកមានអាយុ ៧៥ ឆ្នាំ អ្នកអាចធ្វើការបំបាត់ស្នាមនិងពណ៌នៃស្បែកដោយការប្រើ Concealer ដែលមានពណ៌ស្រាល ជាមួយនឹងផលិតផលម្សៅទ្រាប់ជាតិប្រេង។
ភ្នែក និងចិញ្ចើម
ភ្នែកគឺជាបង្អួចទៅកាន់វិញ្ញាណរបស់អ្នក។ ភ្នែកអាចបង្ហាញពីភាពសប្បាយរីករាយ និងសោកសៅ ព្រមទាំងការឈឺចាប់ទុក្ខព្រួយ។ វាអាចបញ្ចេញភាពម្ញិកម្ញ៉ក់និងទាក់ទាញ។ មិនថានៅក្នុងស្ថានភាពណានោះទេ ភ្នែកនិងចិញ្ចើម គឺជាផ្នែកនៃការកំណត់អត្ថន័យនិងភាពខុសគ្នាយ៉ាងសំខាន់បំផុតនៅលើ ផ្ទៃមុខរបស់អ្នក។
មានមតិជាច្រើនបានវែកញែកទៅលើទម្រង់ភ្នែកបែបណាស្អាតពិសេស, ប៉ុន្តែជាមូលដ្ឋានមាន ទម្រង់តែ ២-៣ ប៉ុណ្ណោះ ដែលចាត់ទុកថាជាលក្ខណៈពិសេសជាច្រើនតំណរ។ ចាប់ផ្តើមពីរូបរាងភ្នែកផ្ទាល់, ភ្នែករាងពងក្រពើ ដែលមានគែមខាងក្រៅខ្ពស់ជាងស្រទាប់ខាងក្នុងបន្តិចគឺជាទម្រង់ភ្នែក ដែលគេតែងតែចង់បាន។ ត្របកភ្នែកខាងក្រោមគួរមានលក្ខណៈផ្តេក ហើយកោងស្របទៅតាមស្រទាប់ទី ៣ នៃត្របកភ្នែក (outer third of the eyelid)។ ត្របកភ្នែកផ្នែកក្រោមក៏គួរតែមានលក្ខណៈរាបស្មើហើយគ្មាន ថ្នក់ (bags), groove ឬស្នាមស្រមោលខ្មៅ។ ត្របកភ្នែកខាងលើគួរមានលក្ខណៈកោង ដែលកំពូលវាគួរនៅត្រឹម border of the inner និង middle thirds of the eye)។ ត្របកភ្នែកខាងលើគួរតែរាបស្មើហើយគ្មានស្បែកប៉ោង (fold ឬ bulges)។ ផ្នត់ត្របកភ្នែកគួរតែកោងស្របនឹង border of the upper eyelid។
ចិញ្ចើមមានតួនាទីជាស៊ុមនៃភ្នែក។ សមាសភាពសំខាន់ ២ នៃចិញ្ចើម គឺ ចិញ្ចើម (brow) និងបរិវេណស្បែករាងពងក្រពើនៅក្រោមចិញ្ចើម (មិនមែនលើត្របកភ្នែក) ពីលើ outer third of the eye។ ចិញ្ចើមគួរមានលក្ខណៈស្រួចទៅលើ along the border of the middle និង outer third of the eye។ កម្រាស់ចិញ្ចើម ច្រើនតែកំណត់តាមការពេញនិយមនិងតាមវប្បធម៌និមួយៗ តែមិនថាការពេញនិយមយ៉ាងណាទេ ទម្រង់ភ្នែកនិងត្របកភ្នែកមិនផ្លាស់ប្តូរឡើយ។
សំភារៈសំខាន់ៗ ៣ ក្នុងការផាត់ភ្នែកគឺ ម្សៅពណ៌ផាត់ភ្នែក, ម៉ាស្ការ៉ា និងទឹកខ្មៅគូសភ្នែក។
ម្សៅពណ៌ផាត់ភ្នែក៖ មានជម្រើសជាច្រើនពេលសម្រេចចិត្តពីរបៀបនិងហេតុអ្វីត្រូវប្រើ ម្សៅពណ៌ ផាត់ភ្នែក។ ទម្លាប់នៃការផាត់មុខបុរាណមានលក្ខណៈស្រាលនិងគ្មានពណ៌ ឬពណ៌ទង់ដែងស្រាល ដែលត្រូវបានធ្វើឡើងដើម្បីបន្ថែមភាពស្រស់ស្អាតបែបធម្មជាតិ។ សម្រាប់ការតុបតែងឱ្យកាន់តែមានភាពទាក់ទាញ ដើម្បីបង្កើនសម្រស់រង្វង់ភ្នែក ការប្រើប្រាស់ពណ៌លាយគ្នាគឺជាការប្រសើរបំផុត។ បើសិនជាអ្នកជ្រើសយកការផាត់ភ្នែកដោយប្រើពណ៌ចំរុះ, អ្នកគួរចាប់ផ្តើមពីការលាបក្រែមជាតិស្អិត (cream base) ជាមុន បន្ទាប់មកលាបពណ៌ដែលជាម្សៅពីលើ។ បើអ្នកប្រើក្រែមពណ៌ភ្នែកមានជាតិស្អិត (cream eye shadow) នោះ អ្នកគួរប្រើវាក្នុងបរិមាណតិចបំផុតតាមដែលអាចធ្វើបាន។ ក្នុងករណីអ្នកដែលមិនមានត្របកភ្នែកច្បាស់ អ្នកអាចបន្ថែមត្របកភ្នែកដោយការប្រើទឹកខ្មៅគូសភ្នែកនៅត្រង់ចំនុច ត្របកភ្នែក។ វាមានលទ្ធផលល្អបំផុត ដោយការចាប់ផ្តើមគូសពីគែមខាងក្រៅនៃត្របកភ្នែកខាងលើទៅចំណុចកណ្តាល ។
ម៉ាស្ការ៉ា៖ រោមភ្នែកដើរតួនាទីជាភ្លើងសញ្ញាដែលប្រាប់ថា “មើលមកភ្នែកខ្ញុំ” ហើយម៉ាស្ការ៉ាជួយអ្នកឱ្យផ្តល់សញ្ញានេះកាន់តែលឺហើយច្បាស់។ ម៉ាស្ការ៉ាមានច្រើនប្រភេទដូចជា ម៉ាស្ការ៉ាដែលធ្វើឱ្យរោមភ្នែកកាន់តែវែង, កាន់តែងរ, កាន់តែក្រាស់ ឬធ្វើឱ្យវាមានពណ៌។ អ្នកត្រូវជ្រើសរើស និងប្រើប្រាស់ដោយប្រុងប្រយ័ត្ន។ គោលបំណង នៃការប្រើប្រាស់គឺដើម្បីធ្វើឱ្យរោមភ្នែករបស់អ្នកមានសភាពពេញលេញ និងដូចធម្មជាតិ។ មិនត្រូវប្រើម៉ាស្ការ៉ាដែលធ្វើឱ្យរោមភ្នែកស្អិតជាប់គ្នាជា ដុំៗ ឬប្រភេទម៉ាស្ការ៉ាដែលមានលក្ខណៈខាប់ដុំៗជាដាច់ខាត ហើយការដែលអ្នកប្រើច្រើនពេក ឬមិនបានរង់ចាំឱ្យវាស្ងួតសិនមុននឹងលាបន្ថែមទៀតក៏ត្រូវជៀសវាង ដែរ។ ផលិតផលឈ្មោះ Latisse ដែលបានទទួលស្គាល់ពី FDA អាចមានសមត្ថភាពធ្វើឱ្យរោមភ្នែកកាន់តែវែង ដោយការរំញោចការលូតលាស់នៃរោមភ្នែកដោយមិនចាំបាច់ប្រើប្រាស់ម៉ា ស្ការ៉ាជាប្រចាំនោះទេ។
ទឹកខ្មៅគូសភ្នែក៖ ទឹកខ្មៅគូសភ្នែកគឺជាឧបករណ៍ចុងក្រោយដែលត្រូវប្រើដើម្បីធ្វើឱ្យ ទ្រង់ទ្រាយភ្នែករាងពងក្រពើកាន់តែមានភាពស្រស់ស្អាត។ សម្រាប់មនុស្សជាច្រើនដែលមានភ្នែកស្រស់ស្អាតពីធម្មជាតិ មិនគួប្រើទឹកខ្មៅគូសភ្នែកទេ ព្រោះវានឹងធ្វើឱ្យបាត់បង់សម្រស់ភ្នែករបស់អ្នកដោយសារការតុបតែង នោះ។ ប៉ុន្តែ សម្រាប់អ្នកដែលមិនមានត្របកភ្នែកស្រស់ស្អាត ដោយសារតែ អាយុ តំណពូជ ឬដោយសំណាងមិនល្អនោះ ទឹកខ្មៅគូសភ្នែកអាចជួយបង្កើនទម្រង់ភ្នែកឱ្យមានលក្ខណៈ ស្រស់ស្អាតដូចរាងគ្រាប់ Almond បាន។ វិធីដែលល្អបំផុតក្នុងការគូសទឹកខ្មៅ គឺអ្នកត្រូវទាញនៅត្រង់កន្ទុយភ្នែក ដើម្បីឱ្យត្របកភ្នែកមានលក្ខណៈសំប៉ែតនិងត្រង់ ហើយចាប់ផ្តើមគូសពីគល់ភ្នែកខាងក្នុងចេញមកក្រៅ។ រៀងរាល់ការតុបតែងមុខទាំងអស់ អ្នកអាចប្រើប្រាស់ផលិតផលក្នុងកម្រិតសមល្មម ដែលអាចឱ្យអ្នកទទួលបានលទ្ធផលល្អគាប់ចិត្ត។ ការប្រើប្រាស់គ្រឿងសម្អាងច្រើនពេក វាមិនត្រឹមតែមិនបង្កើនសម្រស់របស់អ្នកទេ តែវាបែជាកាត់បន្ថយសម្រស់អ្នកទៅវិញ។
0 comments:
Post a Comment