ស្ត្រីមានដើមទ្រូងតូចមានអត្រាប្រឈមនឹងការ កើតជំងឺទឹកនោមផ្អែមប្រភេទ២ទាបជាងស្ត្រីដែលមានដើមទ្រូងធំ។ លទ្ធផលនេះកើតចេញបន្ទាប់ពីក្រុមអ្នកស្រាវជ្រាវរបស់សាកលវិទ្យា ល័យ Harvard University សហរដ្ឋអាមេរិកនិងសាកលវិទ្យាល័យ University of Torontoប្រទេសកាណាដា ស្ទង់មតិលើស្ត្រី៩២.១០៦នាក់។ បន្ទាប់ពីនោះមកពួកគេរកឃើញថា ស្រ្តីវ័យ២០ឆ្នាំដែលមានដើមទ្រូងទំហំ D-cup ឬក៏ធំជាងនេះប្រឈមនឹងគ្រោះថ្នាក់ដោយជំងឺទឹកនោមផ្អែមប្រភេទ ២ខ្ពស់ដល់ទៅ៣ដងបើធៀបនឹងស្ត្រីមានដើមទ្រូងទំហំ A-cup ។
សាស្ត្រាចារ្យ Joel Rayជឿថា
រឿងនេះគឺជាប់ទាក់ទងគ្នាក្នុងពេលដែលសុដន់មនុស្សស្រីមានការ
ប្រែប្រួលអំឡុងពេលពេញក្រមុំ ។ លោកសាស្ត្រាចារ្យបន្តថា
៖«ភាពពេញក្រមុំគឺជារយៈពេលមួយដែលគេសង្កេតឃើញថាមានការកើនឡើង
នូវ Insulin
resistance-គឺជាលក្ខខណ្ឌមួយដែលរាងកាយមិនស្រូបយកគ្លុយកូសតាម
តម្រូវការ
ហើយបណ្តាលឱ្យកម្រិតស្ករកើនឡើងខ្ពស់នៅក្នុងឈាមជាដើមហេតុធ្វើ
ឱ្យកើតជំងឺទឹកនោមផ្អែមប្រភេទ២»។
ចំពោះយុវវ័យដែលមានសុខភាពល្អបរិបូរ បញ្ហា
នោះបាត់ទៅវិញនៅពេលភាពឡើងខ្លួនរបស់ពួកគេបានបញ្ចប់
ប៉ុន្តែសម្រាប់ស្រ្តីដែលមានដើមទ្រូងធំ
ការប្រឈមនឹងជំងឺនេះមានអត្រាខ្ពស់ក្នុងជីវិតទៅថ្ងៃអនាគត ៕
0 comments:
Post a Comment